ياعين لو تسهرين الليـل معـذوره *** محدا يذوق العذاب اللي تذوقينه
ياعين شوفي القمر هو خافت نوره *** ولا نعميتي ولا صرتي تشوفينه
ياعين والنفـس منهـيه ومـامـوره *** ابكي ولا يمنعك هم تحسينـه
ياعين اقري من القرآن لك سوره *** يمكن يخف العذاب اللي تحسينه
ياعين يكفيك هم الوقت وشــروره *** رب تكـفل بعيـدة لا تناسـينـه
ياعين هذا الكتاب وهذي اسطـورة *** واللي انكتب لك من الرحمن ترضينه
ياعين منتي على الخلان مجبـوره *** من راح ياعين ومـعـك لا تهـلينـه
ياعين هذي سلوم الود محظــوره *** اصغـر جريـمه تذل الرجل وتهينـه
ياعين خلي بقايا الأمر مستوره *** من راح ياعـين حـذرا لا ترجينـه
العرض العادي
المواضيع المتشابهه