يافجر قلبي من ضميري خذيتيه= مير الطفي بالقلب لاتجرحيني
قدام اصيح بصوتٍ الكل يوحيه =واقول فجر اللي مسبب حنيني
اشتاق شوقٍ ماعرف كيف احليه =حتى اتمنا خطكي باليديني
لعل قلبٍ مايفكر بغاليه= يشكي من اللوعات طول السنيني
يافجر لن كانك تبين الغلا انهيه= روحي فمان الله وانا اتركيني
احسن لي اصبر فوق جرحي ومافيه= ولاتعذب منك يانور عيني
صحيح حبيتك ولاتسألي ليه = وشلون مدري بس لاتسأليني
حبك ياغاليتي سكن قلب غاليه=مافيه غيرك حبها محتويني
لعل عيدك دايم احلا لياليه=وعيدي بدونك دمعي احفاء جبيني
متى علي الشعر الاشقر تضفيه=وقضي بعد طول الغرابيل ديني
واضم صدرك فوق صدري وهنيه=وقبل اللي تقل فنجال صيني
قولي معه شيطان قولي مرض فيه= قولي وقولك صح لو مايجيني
اهم شي القلب اوضح خوافيه= واليا عرفتي علته سامحيني
واليا بغيتي حبي القلب باغيه =واليا مشيتي جعل ربي يعيني
وانتي خيارك لك وفكرك مقديه =سيري على يابنت ماتشتهيني
بقلم الشامخ
