السلام عليكم ..
محاورة بسيطة .. جمعتني بأخوكم الشاعر الشامخ
من خلال الجوال ..
كانت البداية مني ..
و توالت الردود ..
الاسباب قد تكون واضحه من خلال الابيات ..
هناك .. من يبحث دوماً عن الاساءه للغير
ممتهناً إطلاق الشائعات ..
و هناك .. من يمشي خلف تلك الأمور و يساهم في نقلها
الابيات بالأزرق لي ..
الابيات بالأحمر للشامخ ..
موجوع يالشامخ و لأوجاعي اسباب = من عاذل ما يترك الهرج فيه
كذاب في طبعه و اقواله اكذاب = همه يغير نظرة الناس ليه
ما كل من يرمي هدف للهدف صاب = و عيد الفطر يقفاه عيد الضحيه
ولا ينشب الرب كود في يدين رباب = ماهو بشهوة فكر واللا دعيه
ماهمني قولة ولا هم الاصحاب = اللي يعرفوني على حسن نيه
ناكر جميل و امتلت عينه تراب = ياما وقفت دونه شف رده عليه
دامه كذا يا سعود ناقب و نقاب = ماهو خوي (ن) لك ولانته خويه
دور على اللي للوفا يفتح الباب = ناس مشاعرها للأشواق حيه
لاهو خوي (ن) لي و لا اخاوي اذناب = اللي طبايعهم دايم رديه
اشوم نفسي عن كل جاهل و مغتاب = و ادعي عليه الله رب البريه
اضرب بكعب الرجل في هامة الداب = و احرص على ما قلت فالأوليه
لا تشتكي فعلت رديين الانساب = لاهي على مثلك ولاهي بليه
انتهت ..
و ان شاء الله ننزل لك محاورة آخرى
الإهداءات
