\\

\\


مو معقوله تجي منـك وترمينـي لاي انسـان
يلملمنـي ولا يلقـى بعيونـي غيـر دمعاتـي
انا ماصدق انك انـت تنهينـي مـن الوجـدان
وترميني وانا اشـوف القبـر نـادى مسافاتـي
وكسرني الشتاء ياوليدي وانت بداخلـي دفيـان
تحملت الاسى والظيـم عشانـك يابعـد ذاتـي
وصحى بي البرد واللاهوب وانت بداخلي غفيان
تحملت السنين وقلت علـى الله تلملـم شتاتـي
انا امك ياهيه امـك حملتـك والعـذاب الـوان
ولدتك والالـم سكيـن يركـز داخـل لهاتـي
وانا اثناء الوالده من بكى صوتك طعنت احزان
لاني شفتك بصوتـك تنـادي كـل طموحاتـي
ومهدتك فعين وعين يشـرب حزنهـا القـران
وهزيتك وكان النـور يتهزهـز مـن دعاتـي
اضمك في يديني لاتجي وتقـول انـا بـردان
تركت البرد لضلوعي رح انشد رعشة شفاتـي
وزولك من ركض فيني لمست بداخلي اوطـان
وتركتك تبني بمجدك علـى كتـف انكساراتـي
وتذكر يوم مدرستك صدى وكفوفنـا الحرمـان
وكانت رنته من فلـس خنقتـه لـك بشيلاتـي
كبرت وصرت بعيوني شجاعن واشهم الفرسان
وحلفت اني على عرسك لارقص كل شيباتـي
اسولف للبشر عنك اقول ولا بـه اي نقصـان
رضع عز الشهامه شب طموحه فـي معاناتـي
وله شان الصقر لا لا اخذ منه الصقر له شـان
يجي مثل الوضوء لاطب حنينه فوق راحاتـي
يقولون الولد هو خان اقول وليـدي لا ماخـان
وهم يـدرون ماغطـى منامـي غيـر وناتـي
افااااااااااا وشلون تتركني يكحلني عمى النسيان
وانت ادري فيوم الحشر جنه تحـت خطواتـي
لك الله مانطق صوتي لك الا بدعـوة الغفـران
ولكن خوفي من حزني ومن دعـوات عبراتـي
تدين اليوم ياوليـدي وباكـر للاسـف تنـدان
ويرمونك مثـل امـك وتذكـر حلـم شيباتـي



\\

\\


سـالمـ السيـار

دعوة الغفـــــــران..

من ارووع قصــــائد المبدع داائماا سالم السيار...

كتمت الشووق..

اختيار متميــــــــــــــز..

ذاائقه رااقيه جداا..

لاهنت...!!!

صح لسان شاعرها ..

ابدعت يا تركي ..

بــلا شكــ
هـــذا روووعــــــــهـ وربـــي جنـــانـ
يسلمـــــــــــــووو كتمـــت الشـــوقــــ
وربــــــــي ذووووقكـــ ارووع
والله لايحــــــرمنــا منـــكـ

في انتظـــــــــــاركـــ