\\

\\

\\

يـاماحلى الفنجـال مع سيحة البال

في مجلساً مافيه نفساً ثقيله

\\

\\

\\

طبعاُ هالبيت يلوق علينا كـ تماسيح

وبدون مشاركة الجنس الناعم

أحبتي

أعزائي


وكلنا فـاهم بعضـه

فتحت لكمـ هـ المجلس بـ لغة أهل السعوديه

والديوانيه بـ لغة أهل الكويت

والكراج بـ لغة اهل الشـام

هع هع


عشان نسولف نحرك هالقسم شوي

عندك مشكله عندك سالفه

عندك شي ودك تصورهـ وترزهـ هـنـا

عندك هوشه تبي فزعه

هع هع

عندك ذكريات ودك نشارك فيهـا هنـا

تعال وتفلت وقول مايردك غير الجدار

هع هع


\\

\\

\\

بس اهم شي التقيد بـ قواعد المرور

لأنكم يالشباب

متهورين

وترى فيه رادار كذا زي حق خط

الشرقيه الرياض


\\

\\

\\

والحين لكمـ سالفتي

ومدامنا طرينـا الرادار

وسواليف هـ الأختراع كثيرهـ

في مسئلة طرح المتهورين

جيتك مره أنا ونفر من الشباب

من الجبيل قاصدين الرياض

ووضعنا اوكيه

والطبلون محتار معي

هو يثبت عند الـ 160

ولا الـ 180 ولا الـ 200

المهم سبحان الله

فيه وصله من الخط

تهيض يعني لو مـاأمشي

طبلون السياره فيها خسران

من قوى مو هي تهيض

جايك تركي داعس 190 كذا

ومتعدي من تحت الكوبري

ولا أتفـاجاً بعربجي متكي لي

أقصد الأخ المحترم رادار بن أمن بن طرق السعوديه

وقدامي تفتيش

ورطه كبيرهـ

والله وأجيك مسوي نظامي

قالو وش هالسرعه

قلت مستعجلين وراي عزيمه

وماعاد باقي

هالكلام المغرب

قال العسكري

مخالفه بس هالمره

عشان اللي ينتظرونك

أمك وأبوك وأهلك

قلت جزيت بالخير ياسنايدي

ومن وراهم

ماتغيررت

لازلت عند الـ 190

حتى وصلت الرياض





..

..

..


انتظركمـ ياقدعـان

ولك أهلين وسهلين ..

لازم نعدل البيت اللي فوق يا تركي

سمكره لنا ودخل السحالي فيه :)

أهم شي عشان القلق الي أنت خابره منهم

ما علينا

أجل ماشي 190 ههههههههههه ...

والله حظك ما مرمطوك شوي ..

على طاري القسايم .. محسوبك ولله الحمد ولا قسيمة

كنا نازلين من القصيم للمدينة مع واحد من الشباب ..

المهم أخذنا في الطريق ثلاث قسايم هههههههه

سواقنا ما تنزل عن 200 .. وإن نزلت توصل لـ 180 ..

أول رصد صادنا كان في الخلا الخالي .. من 5 كيلو تشوفه

بس سبحان الله ما شفناه ههههههههههه ..

التفتيش كان بعد على طول .. وأول قسيمة ..

ثاني قسيمة نفس الحكاية .. والله إن سيارة الرصد واقفه لحالها وبعيد عن الجبال وعن الكباري

وقبل ما نوصل لها شغلت أنا مقطع فيديو من جوالي وجلسنا نضحك عليه كلنا

وسواقنا انشغل معنا .. أول ما وصلنا وسبحان الله نلتفت كلنا في العسكري هههههههههه

وعينه في عيوننا .. انفجرنا ضحك .. وناكل القسيمة الثانية على طول

والقسيمة الثالثة نفس الحركة هههههههههههههههههههه

حلفنا بعدين ما عاد نسافر مع بعض .. كل واحد نكبة أكثر من الثاني .

>>> بس أكلها السواق .. 3 قسايم في سفرة وحدة .. والله كثيرة ..

...
...

عاد سوالف الخطوط يا تركي ما تخلص ..

أنا مرة مسافر من المدينة للقصيم .. الكلام هذا الساعة 10 في الليل

ويصيدني رصد أنا مسرع .. تقريباً كنت أمشي 180 ..

كنت لحالي والنفسية زفتتتت ومشوار طويل وطريق من جد طفش ..

ولحالي في الخط ما حولي سيارات .. والتفتيش قدامي

يعني لو جاء يبي يوصف سيارتي للتفتيش .. بيقوله السيارة اللي جايتك الحين

طبعاً أنا قلت هي خاربة خلني أكمل دعستي إلين ما أوصل عندهم وأوقف

جهزت رخصتي وإثباتي ... ولما وصلت وقفت ونزلت القزازة .. كلهم نظروا فيني

قلت السلام عليككم .. طبعاً أنا وااثق 1000% إنهم بيعطوني قسيمة ..

ردوا السلام وقالوا امش .. ضحكت لا شعوريا على نفسي ..

ومشيت ... الله فكني

وش فيكم على امن الطرق ..

ههههههههه

\\

\\


ولاشي سعود ابد


بس مزحهم ثقل شوي

أخر الأيـام

ماكنا حبيبين مع بعض

:)


جميل وربي لو قلت لهم

أني ماأخذ في نفس اليوم مخالفه

يمشونك

لأن مايصير يعطون مخالفتين

في نفس اليوم

لمخالفه وحده

مثلاُ سرعه تظليل

\\

\\

\\


تتوقعون شو قاعد اقراء وميت ضحك

تخيلو كلب مطلوب للمحاكمه

في الهند

لأنه يعض الناس

لو عندنا بالسعوديه

وش مصير هـ الكلب

اعتقد المسح عن الوجود

مو أول مايعض الأ أول مايشوفوه

تلاقيهم بالسياكل بالبلك بالسيارات

وناسه عندهم

وهناك محاكمه

يلعن أبو الفرق

والأ وشرايكم ..؟؟

هههههههههههههه

يا شيييخ ..

ذكرتني بعيال الحارة زمان ..

واحد من جيراننا كان عنده كلب .. وكان مزعج بشكل

الصغار يخافون ما عاد أحد يطلع من البيت .. حتى المسجد ما أحد يطبه

رجال الحي حطوا مكافأة للي يقتله 500 ريال هههههههههههه

وشوف قوات الحارة كيف طلعت .. قسم بالله اللي يطرده بالسيارة

والي على السيكل .. واللي على رجله .. وصاحبه يصيح ..

اتركوا دوسه >>> الكلب اسمه دوسه هههههههههههه

وآخر شي رماه واحد بـ سوجل وخلص عليه ..

أجل يبون يحاكمونه ههههههههه والله تحففف :)

اجل ما سمعت عن واحد من الربع ..

تحرك بأولاده مدججين بأنواع الاسلحه ..

من رشاشات كلاشنكوف و مسدسات ..

و قضى على 12 كلب في عقر دارهم ..

بسبب تجرؤ احد الكلاب على مهاجمة قطيع اغنامه ..

ههههههههههههههههههههه

لا والله ما سمعت عنهم ...