:. :: الجليتر من الألف الى الياء ::

04-14-2008, 09:10 AM

بسم الله الرحمن الرحيم
السلام عليكم ورحمة الله وبركاته
والصلاة والسلام على أشرف المرسلين .. سيدنا محمد وعلى آله وصحبه أجمعين

المقدمة :

هذا درس نقلته لكم هنا عشان تتعلمون منه كلكم وعلى وجه الخصوص
الاخت : كاتمة العبرات لأنه ودها تتعلمه وهذا شرح كامل للجليتر

وبسم الله نبدء :

درس اليوم موجود منه في النت بكثرة،، لكني اليوم ان شاء الله بعرضه عليكم بطريقة ثانية ،، وبخطوات مختلفة شوية ،، اشوفها اسهل ،، وتاخذ مساحة أقل عند تخزينها ،، وفي نفس الوقت ، نقدر بهاي الطريقة انطبق الجليتر على أي شكل أو صورة ،، مو بس على النصوص ،،

أدوات الدرس

طبعاً سنحتاج للجليتر والجليترات موجوده بكثره في النت

فقط ادخل قوقل واكتب جليتر واختر ما تشاء من أشكال وألوان الجليتر في المواقع

خطوات التنفيذ

الخطوة الاولى:
تعريف الجليتر

اختاروا أي شكل من أشكال الجليتر

وأنا اخترت هذا الشكل

ويتكون من 3 شرائح وهي:

1.

2.

3.

نقرة على اليمين على الصورة المطلوبة (الجليتر المطلوب) و Save Picture As ،، نكرر العملية السابقة مع جميع شرائح الجليتر على حسب عددها ،، وفي المثال المشروح عندنا 3 شرائح

الحين نفتح برنامج الفوتوشوب ،، وافتحوا صور الجليتر اللي خزنتوها ،، صار عندنا في الشاشة 3 صور للجليتر ،، ــ بس لازم أنبه ان 99.5% من صور الجليترالموجودة في مكتبة الجليتر بصيغة GIF ،، وهاي الصيغة تكون محمية ــ يعني ما نروم نتحكم فيها ،، عشان جي لازم انغير خاصيتها ــ وهذا اللي بنسويه الحينه ــ

نحدد الصورة الاولى ،، بتلاحظون ان لون البراوز بيكون فاقع ،، نروح لـ
Image >> Mode بنلاحظ ان عند كلمة Indexed Color شي اشارة صح ،،

لازم نغيرة لـ RGB Color
يعني Image >> Mode >> RGB color
شوفوا الصورة:

وعقب نسير لـ Edit >> Define Pattern

مثل ما هو واضح في الصورة

بيظهر لكم بوكس عشان اتعرّفون الباترن ( اللي هو نفسة الجليتر ) وتختارون له اسم ،، ممكن تحطون أي اسم ،، وممكن تقبلون الاسم الموجود وتضغطون Ok

لاحظوا الصورة

انصحكم بان الصورة (الجليتر) اللي طبقنا عليها العملية السابقة تسكرونها على طول عشان ما تتخربطون ،، ونتبع نفس الخطوات مع باقي الجليتر ،،

ممكن سؤال يدور في خاطركم ،، العملية اللي سويناها ،، وين ودت الجليتر ،،
هذا هو السؤال اللي بتحصلون إجابته في الخطوة الثانية

يتبع :icon_frown:

التوقيع :

04-14-2008, 09:11 AM

الخطوة الثانية:

تعبئة النص بالجليتر:

1- كالمعتاد ،، File >> New مثل ما هو موضح في الصورة التوضيحية رقم 1 ،، بيظهر لنا بوكس حتى نختار حجم الصفحة ،، ونوعها ،، هنا انا اخترت 400 Pixels للعرض و 200 Pixels للطول ،، والـ *******s خلوها Transparent مثل ما هو موضح في الصورة رقم 2 واضغطوا Ok يظهر لكم صفحة العمل مثل ما هو موضح في الصورة رقم 3 ،،

لاحظوا معي

2- باستخدام أداة الكتابة

نكتب النص المطلوب ،، ,وهنا انا كتبت jewels

وقبل ما نتكلم عن هاي الخطوة ،، اللي مو ظاهر عنده بوكس الليرات يظهره عن طريق Window ويتأكد من وضع إشارة صح على كلمة Layers

3- ننسخ اللير الموجود على عدد شرائح الجليتر،، وفي هذا الدرس عندنا 3 شرائح للجليتر ،،

وذلك عن طريق نقرة على اليمين (على اللير المطلوب نسخه) عقب Duplicate Layer مثل ما هو موضح في الصورة رقم 1

يعني في النهاية لازم يكون عندنا ثلاث ليرات مثل ما هو موضح في الصورة رقم 2:

لاحظوا الصور التوضيحية

الحين بنشتغل على اللير الاول:

نقرتين على اليسار على اللير الاول ،، (او نقرة على اليمين ونختار عقبها Blending Options) بس عندي ملاحظة مهمة ،، شلوا علامة العين من كل الليرات ،، وخلوها بس على اللير اللي تشتغلون عليه ،، طبقوا ها الشي في كل الخطوات الموجودة في هاي الفقرة ،،

لاحظوا الصورة:

الان يضهر لكم بوكس عود ،، على يساره فيه قائمة طويله حذالها مربعاد اختيار صغيرة ،، ــ طبعا ها البوكس عجييب ،، ويعطي تأثيرات حلوة على الأشكال والنصوص ،، لكن في ها الدرس نستخدم ثلاث خصائص منها فقط ،،

وهي:

1. Drop Shadow
2.Pattern Overlay
3.Stroke

تابعو بقية الخطوات في الصفحة التالية ..

يتبع

التوقيع :

04-14-2008, 09:12 AM

مثل ما قلنا،، بنستخدم 3 خصائص من الـ Blending Options

وهي:

1. Drop Shadow
2.Pattern Overlay
3.Stroke

لاحظوا أماكنها في الصورة

الخاصية الأولى ،، اللي هي في بداية القائمة،، Drop Shadow ، نكتفي بان انحط علامة صح في البوكس الصغير ــ يعني مجر كلك في المربع الصغير

لا تضغطون على Ok ،، بعد ما خلصنا ،،

انتقلوا معي للخاصية الثانية ،، موقعها من القائمة ،، قبل الاخير،، اللي هو Pattern Overlay ،، هنا نحتاج لشوية شغل ،، خليكم معي،، لما تريدون ان تحددو هذي الخاصية لا تسيرون عند المربع الصغير اللي على اليسار مثل ما سوينا في الخاصية الأولى ،، اخذوا مؤشر الماوس وروحوا على الكلمة نفسها (( Pattern Overlay )) وانقروا عليها ،،

لاحظوا الصورة

لما اتسوون هاي الحركة ،، بتلاحظون ان محتوى البوكس اتغير بالكامل ،، وأهم شي بيظهر لنا هو المربع الكبير اللي بالوسط ،، وغالباً يكون لونه رمادي على شكل دوائر ،، نضغط على ها المربع ــ مثل ما هو موضح في الصورة الأولى تحت ــ ويضهرلنا كل الباترنز المخزن عدنا،، ومن ضمنه الجليتر اللي عَرّفناه للبرنامج في الخطوة السابقة ،، واذا ما حصلتوه امامكم نزلوا السهم لتحت ،، لانه الباترن الجديد يتخزن آخر شي ــ لاحظوا الصورة الثانية تحت ــ

الصورة الأولى:

الصورة الثانية:

حصلتوه ؟

كلش زين ،، معناته انتم في السليم

الان اضغطوا على الجليتر المطلوب ــ عندنا 3 جليترات من اللون البني ،، نختار واحد منهم ،، ويستحسن ناخذهم من اليمين أو من اليسار حتى ما انلخبط ،، وأنا هنا أخذت أول واحد من اليسار ،، ولما تنقرون عليه تلاحظون تغيرات على المربع الرمادي ،، ومربع عرض التأثيرات ،،

لاحظوا الصورة:

وبعد ما خلصنا من ها البوكس ،، يعني لا تضغطون على Ok

وصلنا للخاصية الأخيرة .. إضافة حدود للشكل ،، موقعة من القائمة الأخير ،، واسمه Stroke ،، وبعد لازم ننقل مؤشر الماوس على كلمة Stroke وننقر عليه ،، مثل ما سوينا في الخاصية الثانية ،، ونلاحظ ان الشاشة تغيرت مرة ثانية ،، وظهر لنا مربع احمر صغير ،، ها المربع وظيفته تغيير لون الحدود اللي تحطوه حول الشكل ،، يعني اذ الجليتر عندي بني ،، فلازم اختار لون يتماشى وياه ،، وهنا انا اخترت لون البني الغامق ،،

لتوضيح أكثر ،، لاحظوا الصور:

ولما نضغط على المربع الأحمر بيظهر لنا بوكس الألوان ،، نختار اللون اللي يتماشى مع الجليتر ،،

خلصتوا من هذي الخطوة ؟؟

واخيراً ،، اضغطوا على Ok

هههههههههههههههه

شوفوا التغيير العجييب اللي صار على النص

هيه ،، اعرف ،، حلو كلش ،،

بس بعدنا ما خلصنا ،،

عودة لبوكس الليرات ،،

مثل ما قلنا في بداية هاي الخطوة ان احنا لازم نحط علامة العين بس (Only)على اللير اللي نشتغل عليه،، و نشيلها من الباقي ،، الان احنا خلصنا شغلنا في اللير الأول ،، نشيل منه علامة العين ونحطه على اللير الثاني اللي بنشتغل عليه ،، ــ ملاحظة بسيطة بالنسبة للير الاول ،، طبعاً تشوفون ان شي قائمة صغيرة باللون الابيض نزلت من تحته ،، هذي هي الخصائص اللي طبقناها في اللير ،، شيلو العين من اللير نفسه ــ يعني بس اللير الأول ،، أما الباقي فينشالون اتوماتيكياً

لاحظوا الصور:

الكلمة اللي كتبتوها بترد مثل قبل ،، وهذا لان احنا شلنا اللير اللي اشتغلنا عليه ،، حتى نعيد تطبيق نفس الخطوات على اللير الثاني ،،

لاحظوا شكل الكلمة

الان نعيد نفس الخطوات اللي سويناها في الخطوة الثانية ،، يعني مرة ثانية ــ نقرة على اليمين على اللير الثاني ونختار Blending Options ،، لازم نكون دقيقين في اعادة تطبيق الخطوات اللي سويناها في اللير الاول ،، حتى الشكل النهائي للنص اللي نشتغل عليه ما يتبهذل ،،

اعيد باختصار الخطوات:
1- Drop Shadow ،، اللي هي اضافة او اسقاط ظل للصورة ،، ونكتفي بنقرة على المربع الصغير ،،
2- Pattern Overlay ،، وهي تعبئة النص او الشكل بالجليتر ،،

بس في ملاحظة بسيطة ومهمة ،، لما ني نعبئ الجليتر نختار الجليتر اللي في الوسط ،، عشان في المرة الاولى اخترنا الجليتر اللي على اليسار ،، والان نختار اللي في النص ،، وعلى اللير الثالث بنختار الجليتر المتبقي واللي هو على اليمين ،، لاحظوا الصور

3- Stroke ،، إضافة حدود للشكل ،،

انطبق هذي الخطوات حرفياً باستثناء الملاحظة اللي نبهتكم عليها ،، وعقب نضغط Ok

هذا بالنسبة للير الثاني ،، ونشيل علامة العين من ها اللير وانحطه على اللير الثالث ،، وانطبق نفس الخطوات باستثناء الملاحظة السابقة عن اختيار الجليتر في تعبئى النص Pattern Overlay ،،

تابعوا معي الخطوة الثالثة والأخيرة في الصفحة التالية

يتبع

التوقيع :

04-14-2008, 09:13 AM

الخطوة الثالثة:

تحريك الجليتر

لما نحط الجليتر على كل الليرات الموجودة عدنا ــ واللي شرحناه بالتفصيل الممل في الخطوة السابقة ــ لازم ننتقل للامج ردي (Adobe ImageReady)حتى نحرك الجليتر ،، أو نعطي تأثير اللمعة على النص أو الشكل اللي نشتغل عليه ،،

بس قبل ما ننتقل ،، لازم نعيد علامة العين على كل الليرات الموجودة عدنا،،

لاحظوا الصورة:

الان ننتقل
بس لحظة......؟؟!!!

ما تلاحظون أن الكلمة ضايعة في الجوانب؟

شو رايكم انحددها أكثر ،،
باستخدام أداة القطع الموضحة في الصورة:

مجال النص ،، يعني خذوا مساحات بسيطة من حدود النص ،،

لاحظوا الصورة:

وبعدين نقرتين على الصورة بشكل سريع ،، أو نضغط على Enter من لوحة المفاتيح وشوفوا النتيجة:

هاي العملية انسويها مرة وحدة بس ،، والتعديل يشمل كل الليرات اللي عدنا

هسه اقدر اقول ان احنا ننتقل للامج ردي واحنا مرتاحين ..

طرق الانتقال للامج ردي هي:
الطريقة الأولى: File > Jump To > Adobe ImageReady
الطريقة الثانية: Shft + Ctrl + M
الطريقة الثالثة: هو الانتقال للامج ردي عن طريق الرمز الموجود أسفل قائمة الأدوات مثل ما هو موضح في الصورة

وطبعاً ،، كل الطرق تؤدي إلى روما ،، يعني اختاروا الطريقة اللي تعجبكم ،،

ها ،، وصلتوا للامج ردي

تظهر لكم الصورة اللي إحنا سويناها بالجليتر فوق ،، وتحت يظهر لكم شريط موجود فيه صورة وحدة بشكل صغير ،، هذا الشريط هو شريط الحركة أو الـ Animation ،، واللي مو ظاهر عنده يظهره عن طريق Window ويتأكد من وضع اشارة صح على كلمة Animation لاحظوا الصورة

اللي لازم انسويه الان هو ــ انظهر الليرات الثلاثة اللي اشتغلنا عليها ــ يعني لازم يكون عندنا ثلاث صور في الشريط ،،
لاحظوا السهم الصغير اللي على يمين الشريط ،، اضغطوا عليه يظهر لكم قائمة اختاروا منها:
Make Frames From Layers

شوفوا الصورة:

ولما تختارون Make Frames From Layers يظهر لكم الليرات الثلاث في شريط الانيميشن ،، وفي نهاية كل براوز في الشريط تشوفون مكتوب sec. 0 ،، هذا لتحديد وقت ثبات الصورة ،، بس في الجليتر ما انصحكم باستخدامة ،، لأن كل ما كانت حركة الصور اكبر ،، يكون تأثير اللمعة اقوى ،،

لاحظوا معي:

ولو ضغطتوا على رمز الـ play الموجود أسفل شريط الانيميشن بتشوفون إنجازكم ،، الصورة وهي تتحرك

شوفوا الصورة:

خلصنا الشغل ،،

تعالوا انسيف او انخزن اللي سويناه ــ طبعاً انخزنه في الامج ردي ــ:

File > Save Optimized As

والنتيجة:

وهذا تطبيق ثاني للجليتر باستخدام الاشكال الـ Shape ،، وباتباع نفس الخطوات اللي في الدرس

أشكركم على حسن المتابعة ،،

وجزاكم الله خير

للأمانه الموضوع منقول للفائده

التوقيع :

04-15-2008, 03:49 AM

درس جميل.. ونقل موفق ^.^

يارب الاعضاء يستفيدو من الدرس..

ودا تطبيقي ^.^

وياهلا :)

فراشـــــة

التوقيع :

التسجيل: مجاني
السلام عليكم التسجيل مجاني الرجاء تعبئة الحقول التالية! اسم المستخدم: كلمة السر: تأكيد كلمة السر: البريد :تأكيد البريد < موافق قوانين المنتدى

الإهداءات
إضافة إهداء