يابنت لي كلمه وانا منتظر دور
يوم الغروب اعلن طلاسم مغيبه

شاعر واسوق القاف منهي ومامور
يمشي معي بالطيب ولا غصيبه

طالب كسول وبالتقارير دكتور
واذا نصيته كل صعبٍ يجيبه

تلميذ واعطي استاذ الاجيال طابور
اعطيه درس ينجحه مايعيبه

واشرب نهر دجله ولاني بمسحور
وانا المريض اللي يعالج طبيبه

تنصت لي الاذواق شاعر وجمهور
واذوق العدوان مر الغليبه

وان مارسمك الشعر ياغادة الحور
في جيتك اجل الشعر وش ابيبه

الاحتفاء بطلتك مابها جور
واجب وحق وكل صدر وحضيبه

شوفتك عيد وله زغاريد وشعور
يالملهمه ... يالطيبه ... يالحبيبه

الدار دارك والوطن فيك مسرور
تمخطري بالدار دارٍ رحيبه

هذا وانا يابنت بالكبد ممرور
طبعي وفاء ومايلحق النفس ريبه

اوفي واجازي واعطي الشور واشور
واعامل العربان كلٍ وطيبه

اللي يمد الطيب له رد مشكور
واقف معه بالهينه والصعيبه

هذي شعور احساس مايقبل الزور
والحق حق وكل شخص ونصيبه

وانتي مكانك ياقمر مشعل النور
انتي هناااك بعيد واقرب قريبه

هذي شعور احساس مايقبل الزور
والحق حق وكل شخص ونصيبه


رائعه

أختي داقتن اللطمه

تقبلي تحياتي

واشرب نهر دجله ولاني بمسحور
وانا المريض اللي يعالج طبيبه


اجمل بيت قرأته

ولكن الأجمل دوماً هو انتِ


دمتِ بود اختي الغالية

واشرب نهر دجله ولاني بمسحور
وانا المريض اللي يعالج طبيبه

صح لسان شاعرهــا .. وتسلم يد ناقلتهـــا ..

رووووعهـ ..

يسلموووو حبيبتي على القصيدة..


ويعطيك العافية ..

صح لسانك
مشكوووووووووووووووووووووووووور
على القصيدة
وتقبلي مروووووووووووووووووري

مشكووووورين على مروركم

ضوء القمر

كتمت الشوق

المقاتل الذهبي

فارس تبوك

نورتوني