بسم الله الرحمن الرحيم
شلونكم ..شخباركم
انا وااايد استانست في هذا المنتدى الجميييل
والأكثر من رائع
صج صج روعه يجنن

ويشرفني اني اشارك فيه
وأوريكم بعض من ابداعاتي
واتمنى انها تعجبكم

لان ابصراحه جد جد لا اطوفكم
************************************************** **
القصه اللي بقولكم عنها اهيا قصه فتاة امها امسافره عنها وامخليتها اهيا واخوانها في البيت،وبحكم انها اكبر وحده اتحس انها لازم تتحمل المسؤوليه وتتصرف على أكمل وجه،بس اهيا ابصراحه مو فاضية وما اتواطن شي اسمه يهال وبيت وامجابل...فيا ترى؟
اتهقوك شنو سوت قمره وخواتها؟!!!
هذا ما ستعرفونه في السطور الآتيه:
************************************************** ******************
الحلقة الأولى :حفلة تخرج عبد الله


مر اسبوع على سفر الوالده وقمره اليوم مو طبيعيه،صايره متنرفزه وعصبيه ومتوتره ومتعسره بعد،والأمور مو ماشيه معاها ميه الميه

قمره بدا يداهمها الشوق وتتأزم نفسيتها،إلى جانب ضغوطات العمل والشغل اللي تجيبه معاها كل يوم ليين البيت، واللي ما ايخلص..

ارجعت قمره من الدوام متأخره وتعبانه زيادة عن كل مره،وجايبه معاها شغل كثيييير ولازم اتخلصه،طافها الغدا مع أهلها وتغدت ابروحها وحطت راسها ونامت لعلها تستعيد قواها علشان اتكمل شغلها.

دارت الساعه خمس وست وسبع وقمره لين ألحين نايمه وما ودها تقعد هروبا من المسؤوليات اللي عليها،واتحس انها زعلانه بالمررره ومشتاقه كثير لأمها
باختصار قمره مزاجها متعكر اليوم ومو على بعضها
اعيزو الخوات يقعدونها ماكو فايده،رغم إن اليوم حفلة تخرج أخوهم ولازم يكونون موجودين في بيت خالهم الساعة 8 علشان يستقبلون الخريجين من اعيال خالاتهم ومن بينهم أخوهم عبدالله

قمره مصره إنها ما تقوم، يدقون عليها تلفونات ما كو فايده، كسروا جهازها ما كو فايده...
آخر شي دقت عليها خالتها تقول لها وين أخووووج يالله احنا ناطرينه قوليله بنروح على طول الفندق حفلة الخريجين بعد شوي راح تبدى

(خلاص بعد اختربت النومه وما على قمره الا القومه)

اوصلت قمره وخواتها بيت خالهم متأخرين وهم حدهم متضايقين من اختهم قمره لأن أخرتهم،لكن قمره بعد هم متضايقه وامعصبه منهم، ويااااويلها اللي اتكلمها ولا تقول لها شيء

خلصوا الشباب الخريجين من الحفله وتوجهو رأسا على بيت الخال،يستقبلونهم الحريم باليباب والنون وفلاشات الكامرات ااا..أقصد(يعني يخرعونهم وبعدين يصورونهم بعد ما يحذفونهم بالككاو ويفلعونهم بالحلاو ههههههههه)

الشباب يطالعون البنات ابنص عين، والبنات اكسرو عين الشباب بالفلاشات
وطايحين فيهم تطنز وتعليقات وما خلو شيء فيهم ما اضحكو أو عيبو عليه.

خلص الاستقبال وقمره تغمصت دور الأم على طول وجابلت اخوانها الصغار وحطت لهم العشا وما قصرت وياهم_ بعد شتسوي مجبوره_ مع انها تعباااااانه وولهااااااانه ومشغوله لييييييييين الراس،لكن بدت تتأقلم مع الوضع الجديد شوي وصارت مع الوقت اتحس ان اخوانها هم اعيالها وهي أمهم جد


آخر الجلسه وبعد العشا تحديدا ،قمره المحت واحد من اخوانها الصغار يدور على شي،نادته
فهد فهد تعال شنو تبي؟
فهد:أدور على أختي
قمره:قول لي اشتبي ؟أنا اختك بعد
فهد:لا ما أقولج انت
قمره:ليش؟!!!!
فهد:علشان انتي ماااا....
قمره:ما شنو؟!!
ما اعرف
فهد:لا
ماااا...
قمره إيه؟
فهد :مااااا...حبج
قمره:!!!!
ما اتحبني،ليش أنا شنو سويت
فهد:مممممم....لا لا أحبج أحبج
مو أنا كلا أقولج بالبيت يا فراوله يا كرز يا موز يا توت؟
قمره:ايه
فهد:خلاص يعني أحبج
قمره:شنو تبي عيل؟
فهد ما أقولج
(وبعدين شاف اخته أزهار اللي كا يدور عليها وسألها،متى بنروح البيت؟)،
قمره : هذا هو سؤاله !!!
معناها يقصد إني ما أعرف بس خانه التعبير
والله حالااااا
ابتلشنا مع هالاخوان، ما يعجبهم العجب ولا لصيام في رجب.


آخر الوقت صارت قمره هي اللي تسأل خواتها متى انروح البيت، وحست انها مختنقه وما تقدر تتنفس، واتفكر في ستين ألف شغله في وقت واحد

ارسلت لأمها مسج تقول لها:
((أمي يا حبيبيتي، احنا ولهنا عليج وايد، وبدينا نشتاق لج والله))
بس الأم ما ردت عليها !!!

ارجعت قمره وخواتها للبيت وهي كلش ما تقدر تتكلم ولا تتنفس من ضيق التنفس،أختها أزهار لما شافت حالتها جذيه وكلهم ولهانين على الماما،جمعت اخوانها ودقت على أمها من جهازها
الحمد لله قمره كلمت أمها وارتاحت نفسيتها
واخوانها وخواتها كلهم كلمو أمهم وانبسطو
(والله سويتي فيهم خير يا أزهار)


تابعونا تكمله الحلقه في الجز الثاني المره القادمه
اشوفكم على خير بااااااي

[all1=#00CCFF]

الله يعين قمره على اليهال

والله يعين اليهال على قمره

ماتـــــــــقــــصـــــريــــن

يـــــا رائحة القهـــــــــوه

الله يعطيك العــافيــــــــه






صــــــــــدى

اشكر عيون الصقر على التعليق الجميل وصدى الأحزان على المرور وتعليقها الحلو بعد

واقول انتو جذيه اتحمسوني اني اكمل القصه

ما أطول عليكم وأخليكم مع الجز الثاني من الحلقه

شكرا

الجزء الثاني
من الحلقه الأولى : حفلة تخرج عبدالله :)
************************************************** ***************

اقعدو البنات عند التلفزيون مستانسين ومبسوطين بعد ما كلمو أمهم،الا عبدالله ما كلم أمه لأنه كان طالع مع ربعه


دخل عليهم أخوهم عبدالله تالي الليل مستانس وامعيد ويتغشمر مع خواته بعد
يقول:
تعالو انتو..
ياللي امسوين منظمه للحش
ليش اتحشون فينا؟!! اتحسبونا ما ندري عنكم
شدقولون عنا؟، مو عاجبينكم

البنات اضحكو وما ردو عليه
وبعدين قالو له:
نضحك عليكم وعلى أشكالكم، وعلى الحيا اللي ذابحكم، والله لو انتو معاريس ما استحيتو جذيه ههههههه

رد عليهم عبدالله:
عيل انتو اللي صايرين صحفيات كل وحده ماسكه جهاز واتصور فيه
ما بقى كامرا، ما بقى فيديو، ما بقى تيلفون ما صورتو فيه
استحو على وجيهكم

البنات: يضحكون

صارت الساعه 1 بليل، وعبد الله أول مره يسمح لأخوانه وخواته يسهرون لين هالوقت، والسبب إن الاخوان والخوات عندهم اجتماع مهم ومغلق وطارئ

شنو سبب هذا الاجتماع؟!! شالسالفه؟؟


سبب الاجتماع هو
أخوهم الصغير فهد

راح فهد حق أخته أزهار علشان اتنومه، وقبل لا ينام قال لها الآتي:
أكو وحده مسكيييينه عندها وايد شغل وكلا تتطنزون عليها

ردت عليه أزهار:
منو الخدامه
فهد: لا اااا ، وحده فينا اهيا اختنا
أزهار: منو؟!
فهد: قمره

وبعدين نام

( يا بعد عمري يا أخو قمره انتا اللي حاس فيها والله)

أزهار لما اسمعت هذا الكلام من أخوها الصغير عن اختهم قمره ، على طول سوت اجتماع طارئ ، وبعد ما شافت ابنفسها الضغط النفسي اللي اوصلت له قمره

وبهذا الاجتماع حلو الاخوان والخوات مشاكلهم بينهم ، وكل واحد عرف اشلون يطق ابريكات،ااا..أقصد يلزم حدوده مع الثاني ، وقسموا مسؤلياتهم فيما بينهم ، وتوته توته خلصت الحتوته:)


دعاء الكرب

(لا اله الا الله العظيم الحليم، لا اله الا الله رب العرش العظيم، لا اله الا الله رب السماوات والأرض ورب العرش الكريم)

الله يصلحك يـارائحه القهوه

الحين 45 حلقه قصيتي علينا

بحلقتين وقلتي ..................

توته توته خلصت الحتوته ؟

هااااااااااااااااااااه






صـــــــــــــدى

هههههههههه
مو 45 (4)اربع حلقات الهاء تبع الأم المسافره

أنا قلتلكم بس الحلقه الأولى وهي تتكون من جزئين وألحين خلصتها
بعد يبقى (3) حلقات ما قلت لكم عنها وكل حلقه تتكون من جزء او جزئين

اشرايج يا صدى الأحزان بالحلقه حلوة؟؟؟
إذا حلوه تابعونا في الحلقه الثانيه مع أسمى تحياتي

رائحة القهوة