الجزء الثاني:
قمرة وأبوها بعد ما اوصلو اقعدو يدورون موقف..، واثناء ما كانو يدورون موقف، قمره المحت وحده من حريم عمامها،اهيا تعتبرها مثل أمها بالضبط ، رابيين مع اعيالها..ودارسين وياهم، واعيالها بأعمار قمره واخوانها..وكل يوم تتصل تلفون على قمره من الصبح علشان اتقعدها حق الدوام لان أمها امسافره.. بس قمره الله ايهديها ويصلحها ويهدي ويصلح كل اعيال المسلمين امأذيه مرت عمها أذيه..، مره تنسى الجهاز سايلنت..ومره من غرقة النوم اتسكره ابويها.. ومره اتقول لها انزين انزين واترد اتنام مره ثانيه..ومرت العم مسكينه ما اتقصر تقعد ادق عليها لماااااا اتقوم،ولااااازم بعد لما تطلع قمره من البيت ادق عليها علشان تضمن ان قمره ما ردت نامت مره ثانيه..
قمره أول ما شافت مرت عمها بالانتخابات استانست وأشرت لها من ابعيد:
أم نزااااااااار :)
اشوى اني لقيت أحد..وأنا احاتي اشلون بنزل ابروحي، مع هالعالم
الأبو نزل قمره مع ام نزار وراح المكان المخصص للرجال
ادخلت قمره مع أم نزار مقر النساء للتصويت.. والهتافات..والشعارات...
والمسجات شغالة واللي ما توقف
((أخي الناخب أختي الناخبة..اليوم خيارك.. الكويت بانتظارك))....
((نحن على موعد معكم اليوم عند صناديق الاقتراع، شكرا..))......
.((أخوكم وولدكم ينتظر دعمكم))....
..((المسؤلية في اختياركم صوت الكويت هو صوتك))....
.((أخي الناخب أختي الناخبة..فكر بخيارك وشاركنا بقرارك))..
((اليوم الكويت تبي فزعتكم،أخوكم..)).....
............الخ
وأول ما ادخلت قمره وأم نزار تلقفتهم القوائم الانتخابية مع أفواج الناخبات اللي معاهم..
ويوزعون عليهم بروشورات، واهداءات..، وكروت بأسماء مرشحينهم..،ويساعدونهم في الوصول إلى قاعات التصويت المخصصه لهم، وكل ناخبة حسب اسمها بالترتيب الأبجدي
(يعني أم نزار وقمرة افترقو.. ويييييييييه ما اكتملت الفرحه)
أم نزار صفت ابطابور حسب حرفها، وقمره صفت ابطابور ثاني
واهناك قمره شافت بنات كانو معاها بالابتدائي.. والمتوسط.. والثانوي، لأن كلهم في منطقة ودائره وحده
وشافت مدرساتها وسلمت عليهم، وعلى طول دقت على بنت عمها دلول،، كبرها وحبيبتها ودارسه ورابيه معاها..يعني صديقة الطفوله مثل ما يقولون..
دقت قمره على بنت عمها وقالت لها ابصرقعه :
دلووووول...وينج؟
دلول: هلا هلا ، هلا والله ههههههههه
آنا بالدوام
قمره :تعالي دلوووول لا يطوفج!!!!
والله وناسه الانتخابات :)
شفت بنات واااايد، معانا بالمدرسه وأبلات..
والمرشحات وربعهم يوزعون علينا وروووود ، ومراوح ، ومهفات
...والعصير ، والموالح والمعجات...يعني اذا مو متريقه لا تتريقين
دلول: هههههههههههه
صج والله .. خوش شي :)
قمره:حده خوش شي
ابصراحه خوش تنظيم روووعه..واستقبال أحلى حده كشخه على مستوى
دلول: ههههه
شتسوين ألحين؟
قمره: أنا توني خالصه من التصويت وانطر أمج، لين ألحين ما يا دورها
انت متى بتيين؟
دلول:أنا أطلع من الدوام الساعة 3.30 يعني ما أقدر ايي الا العصر
قمره: تمام ، عيل لا تتغدين كلشي موجود
دلول: هههههههههههههه
الله يغربل ابليسج
يالله مع السلامه :)
قمره: الله يسلمج :)
************************************************** *********************
خلصت قمره وأم نزار من التصويت بعد ما دقت قمره على أبوها ووصلو أم نزار بيتهم
ارجعت قمره مع أبوها البيت وأول ما اوصلت لقت أخوها عبد الله امعصب قاعد وعاقد النونه وما يكلم أحد
ولقت خواتها بعد توهم راجعين من السوق، لكن مستانسين وامكيفين..شارين لهم شحاطات وقمصان واكسسوارات..
قمره لما شافت الحاجات الحلوه هذي اللي شارينها، انهبلت
وقالت لهم:
لااااااه ليش ما شريتولي
أزهار: شنو نشتريلج!! ؟
انت بالانتخابات مو ويانا علشان نشتريلج
شنو انتي ياهل نشتريلج !!
قمره عصبت:
مالي شغل أنا ياهل ونص..، تشترولي يعني تشترولي ،:(
يعني ما تدرون اني امووووت على الاكسسوارات !!
! ! !
الله... ماشاء الله شحاطتج وايد حلوه عفيه عطيني اياها؟..
.....ولاأقولج عطيني هذا القلب...اأو هذي القلاده
كل وحده وحده..اشرايييج؟
أزهار:روحي زييييييييييييييييييييين
أنا الحين اشتريهم حقي وانتي تاخذينهم
صج انك ما ادري اشلون صايره!
أبو قمره لما سمع الصيحه اللي امسوينها البنات يالهم:
شاللجه ؟!!
شالصيحه.؟!!.... اشفيكم لجيتونا
أزهار: قمره اتقول اشترولي ولا باخذ اقلاده،...
والله عاد هذا كلام !!!
قمره: يبه يعني شنو... :(
أنا شنو ذنبي أروح الانتخابات وخواتي يروحون السوق ؟!
الوالد: ولييييين ، يبه خلصونا ، من وين شريتو هذي الأغراض؟
أزهار:من المحل الفلاني
الوالد: يعني ابكم شريتوهم
أزهار بالسعر الفلاني
الوالد: خلاص شوفي يا بنتي قمره، هذا مبلغ بسعر الاغراض اللي شروها خواتج
روحي السوق واشتري اللي تبين
ماشي
قمره: :)) ، ايه ماشي
مشكور الله لا يحرمنا منك يا يبه
الخوات يتحمدون ربهم:
الحمد لله والشكر يارب..
الحمد لله..
ياهل
قمره طاب خاطرها وانبسطت
************************************************** *******************
لما صار الظهر خذا الابو اعياله ووداهم بيت أهله علشان يتغدون عندهم ، اليوم كل الأهل متجمعين في بيت الجد
وأول ما اوصلو قمره قبل ما تنزل من السياره، طرشت لأمها مسج تقول لها:
((أمي الحبيبه كيف الحال؟ احنا كوسيت والحمد لله، بس عبد الله مزاجه متعكر حده، امزفت بامتحان القدرات...، وأنا أحس انه فاقدج ووده يسولف معاج، اشرايج ادقين عليه بعد الغدا؟))
انزلت قمره من السياره مع اخوانها وخواتها، وراحو يسلمون على عمامهم وعماتهم وأهلهم، وبعد الغدا اقعدو وتجمعو وسولفو عن الانتخابات..، واللي ما صوت راح يصوت ويلحق على التصويت قبل لا يسكرون صناديق الاقتراع، لأن التصوين من الساعه 8 الصبح الى الساعه 8 المسى بس، فقط ، لا غير
ارجعت بنت العم دلول من الدوام الساعه 3.30 ، وعلى ما تغدت وبسطت...، ما راحت اتصوت!!
الأهل: يالله يا دلول متى اتروحين اتصوتين؟؟!!
ترى ما يمديج يمكن ايكون زحمه
يالله يا دلول لحقي....لا تنسين تاخذين معاج الجنسيه والبطاقه المدنيه
دلول لين الحين ما رحتي!!!
اشتنطرين..ترى والله يسكرون عنج باب الاقتراع
راحت دلول مقر التصويت الساعه 7
ولما صارت الساعه 8 أمها زوجه العم أم نزار قامت اطق على قلبها:
يمه ابنيتي!!!
راحت اتصوت ولما الحين ما ارجعت!!!
لا يكون صكو عليها باب الاقتراع؟؟؟!!
(امبيه اشصار ابدلووول !!!،
وشنو راح ايصير لها؟ ،
راح اتصوت؟
ولا يسكرون عليها باب الاقتراع؟؟!!!!...،
:
:
:
هذا والمزيد من الأحداث المثيره والغريبه ستجدونها باذن الله في المره القادمه :) ، دمتم بووووود )
الإهداءات
