الجزء الثالث:
يوم الجمعة اقعدت قمره امبجر من نفسها..مبسوطه ومرتاحه وسعيدة وشبعانه نوم..
توها طالعه من غرفتها ولا اتشوف ابوها يتراكض يمين ويسار يصعد فوق وينزل تحت!!! ، قالت له:
يبه ..يبه اشفيك؟!!
عسى ما شر!
الأبو: ماكو ماي.. ماكو ماي!!!
قمرة:شنو؟! اشلون ما كو ماي!
وين قاعدين احنا ابأي ديره!
الأبو: بعدين بعدين ....أنا بروح ألحين أييب ماي علشان نلحق على صلاة الجمعة
انت روحي قعدي اخوانج للصلاة
قمره: ماشي وهذا اللي ناويه عليه
راحت قمره حق أخوها عبد الله وقعدته:
عبد الله قووووووم الصلاة
لكن عبد الله ما قعد!!!
راحت حق سلوم وقعدته:
سلوم قوووووم الصلاة
وهم سلوم ما قعد!!!
قالت قمره: وليييييين اشلون أقومهم هذولي، أكيد بتعبوني
أحسن شي أغير الطريقه
راحت قمره حق عبد الله ولما اوصلت عند باب غرفته اضربت باب الغرفه حييييل وقالت:
عبد الله عبد الله الحق الحق قوم
عبدالله فزع من نومه واختبص:
اشفيج !اشصاير!، شالسالفه!، عسى ما شر!
حريجه؟!!
قمرة: كااااااااااان زييين
لا..أكبر من جذيه
بيتنا ما فيه ماي!
ماكو ماي البيت كله والله العظيم ما فيه ماي!
ما ادري عاد تلحقون على الصلاة..ولا ما تلحقون..انتو وحظكم
عبد الله: شنو؟!
ما كو ماي!! ، اشلون؟!
قمره :علمي علمك
يالله قوم ابسرعه تصرف
عبد الله اشوى الحمد لله قام..، بس باقي سلوم
راحت قمره حق اخوها سلوم علشان اتقعده..وسوتله نفس الطريقه، بس ما كو فايده ولا بالبال
قالت هذا لو تنطبق السما على الأرض ما يقوم...أخلي أبوي لما يجي يقعده
خلصت قمره من المهمة الأولى اللي عليها..وجاهم أبوهم امحمل معاه اتبوبه ماي دافي امسخنته الشمس، جايبه لهم من حديقة بيتهم علشان يغسلون فيه اعيايله ويمديهم يلحقون على الصلاة..
قال الأبو حق بنته قمره:
شوفي يا بنتي انتي قعدي خواتج وهذا الماي لكم قزرو فيه وبعدين لما ارجع من الصلاة اييب تنكر وبعدين انشوف سالفة الماي هذي..وشالسالفه!!!
راحت قمرة اتقعد خواتها بعد ما بخرت أبوها واخوانها للمسجد ولا تلقاهم نايمين.... اااااالظاهر انهم سهرانين على نتايج الانتخابات البارحه
انزلت قمره المطبخ تشوف الغدا ولا كلشي تمام وجاهز!
اقعدت تنطر ابوها واخوانها لما يجون من المسجد وامسكت الجريده تتصفحها اتشوف نتايج الانتخابات
رجع ابوها واخوانها من الصلاة ..،وقال الوالد حق قمره:
قعدي خواتج وحطو الغدا
قمره: كلشي جاهز بس أروح أقعدهم
عبد الله لما شاف قمره ماسكه الجريده قال لها:
شتسوييين؟!
قمره: اقرى الجريده شسوي يعني!
عبد الله:اشعندج ابهاذي الجريده؟!
قمره:قاعده أقراها..ليش عيب ولا حرام
عبد الله: اشمعنا هذي الجريده؟!
قمره:هاه ..اشفيك !...قاعده اشوف نتايج الانتخابات، مو خذينا حقوقنا السياسيه..،وانتخبنا وصوتنا، من حقي اتابع الاخبار!
عبدالله: عسى اطلعت لج الأخبار انشاء الله
قمره:أفففففف....ألحين ابتطلع ..بالطريج انشاء الله
عبد الله:متى ابتطلع الأخبار..عسى وصلتي للصفحه الأخيره واطلعت لج الأخبار؟!
قمره:أوووووووووه...، انت اشتبي؟!... اشفيك علي؟!!..ترى أذيتني؟!!!!!
عبد الله: الأخبارالمهمه العاده يحطونها في الصفحة الأولى،وما شفتيها
قمره: وبعدين يعني...أنا اشعلي؟!....اسأل الجريده يا أخي ...مو معقول...حاط دوبك دوبي!!
عبد الله: لأن يا ذكيه هذي جريدة أمس ولو تموتيييين ما راح تطلع لج الأخبار..فهمتي
قمره: ههههههههههههه
عبدالله:أخبار مثل هذي والطازجه والحيه والمهمه اتشوفينها من أول الصفحه مو توصلين لين نص الجريده ادورينها!
قمره: :) من صجك والله..وأنا صار لي ساعه وأقرى بالجريده..وأقول ليش الأخبار بارده جذيه!!..
عبد الله: الا بايته..، روحي شوفي جريدة اليوم تلقينها بالصاله.
وفلان اللي صوتيله..هو ترى فاز الأول بالدائره..مبروك
قمرة: صج والله..الله يبارك فيك...خووووش خبر..عاد خوش ريال يستاهل والله
حطت قمره حق أبوها وأخوانها الغدا بعد ما اقعدو خواتها وتجمعو كلهم على الغدا ما عدا سلوم
الأبو سأل عن سالم وينه ليش ما جا على الغدا؟!!
قمره: سلوم امعصب ما يبي غدا
الأبو :ليش اشفيه؟!
قمره: يقول شالغدا اللي حاطينه اليوم مااتشاورون قبل ما تطبخون؟!!
قلت له والله احنا ما لنا شغل أمي حاطه لنا جدول كامل للغدا يكفينا لفوق الشهر..، واحنا ما علينا الا نقول للطباخه والطباخه تطبخ
قلت له تعال تغدا معانا، قال استغفر الله..أحد يطبخ سمك تونه محموس على العيش!!!
ولقيته قاعد ياكل بيض وجبن وخبز
الأبو يضحك....هه هه هه هه
والله أنا اللي لازم اتشاوروني بعد..مو هو..وبعدين غداكم مااالح؟!
قمره: لا يبه لا مالح ولا شي..ترى والك..بس الطبخه غريبه اشوي مو متعودين عليها..علشان جذيه مستغربين طعمها ..
امسوين الله يسلمك، سمك تونه محموس مع بصل وطماط ومعجون طماط وكزبره وكاري...وما ادري شنو بعد نسيت!..وحاطينه بدال اليدام على العيش
الأبو: ما شاء الله..صايره اليوم غير..شاطره ما شاء الله عليج ..وسنعه..غير عن أمس يقولون فاصله
قمره: ها....!!!
منو يقول..!!
.............(اصفر وجها واخضروتغير.)..وبعدين تداركت.........
يباااا...عادي
بعد بنات
وبعدين احنا امس مستانسين علشان الانتخابات..وكلنا فاصلين
مو بس آناوبعدين لا حقين على العقل والثقل..ليش مستعجلين
تبونا نكبر وانعجز ابسرعه..وتطلع لنا تجاعيد..
خلونا شباب يبه..نضحك ونتغشمر ونتمتع ابشبابنا
...................يتبع :)